Luchd-teagaisg

Fiosrachadh do luchd-teagaisg

Thug Riaghaltas na h-Alba a-steach Scottish National Standardised Assessments (SNSA) agus an riochd Gàidhlig, Measaidhean Coitcheann Nàiseanta airson Foghlam tron Ghàidhlig (MCNG) mar phàirt de Frèam-obrach Leasachaidh Nàiseanta.

Chì sinn tro ìre dhà SNSA agus MCNG air an lìbhrigeadh tro phlatform co-mheasgaichte agus le cunntas orra gu coitcheann mar Measaidhean Coitcheann Nàiseanta na h-Alba (MCN). Ged a bhios susbaint measaidh airson SNSA agus MCNG fa leth, bidh dòigh-dèiligidh co-roinneach aig an dà mheasadh gus measaidhean, coitcheannachadh, aithris agus prìomh fheartan comas-gnìomh an t-siostam a dhealbh.

Chaidh na SNSA agus na MCNG a dhealbh agus a leasachadh gu sònraichte airson curraicealam na h-Alba. Tha gach ceist air a sgrùdadh agus air a h-aontachadh le panalan Foghlam Alba gus dèanamh cinnteach gu bheil iad a rèir Curraicealam airson Sàr-mhathais agus, airson MCNG, na prionnsabalan Foghlam tro Mheadhan na Gàidhlig. Tha gach ceist air a mapadh ri eagraiche agus fo-sheòrsa ann an Slatan-tomhais CaSm Litearrachd agus Àireamhachd aig an ìre bhuntainnich airson na bliadhna sgoile.

Airson taic a chur ris an fhiosrachadh measaidh a gheibhear bho shuidheachaidhean ionnsachaidh làitheil, agus tro sgrùdadh agus eadar-obrachadh le clann agus daoine òga, tha na MCN:

• a’ toirt aithisgean diagnosach a sheallas far a bheil clann agus daoine òga air feartan sònraichte a shealltainn agus far a bheil feum aca air taic a bharrachd
• a’ toirt cuideachadh dhuibh gus na h-ath cheumannan ionnsachaidh a dhearbhadh, do luchd-ionnsachaidh fa leth agus a thaobh dòighean-obrach àraidh a chleachdar san t-seòmar-teagaisg
• a’ toirt dhuibh barrachd fiosrachaidh a thaobh ur breithneachadh proifeiseanta air adhartas neach-ionnsachaidh ann a bhith a’ coileanadh na h-ìre bhuntainnich den Churraicealam airson Sàr-mhathais.